Коридорас (Corydoras aeneus)

Дараагийн мэдээгээр Коридорас (Corydoras aeneus)ын талаар бичигдлээ.
Би энэ удаа мэдээгээ өмнө нийтлэж байснаас арай өөр маягаар нийтлэлээ аль нь эвтэйхэн байна хэлээрэй.

Коридорас

Өөр нэр: Алтан соом, алтан коридорас, боронзон коридорас, гахай соом.
Овог: Callichthyidae
Нутагладаг газар: Венезуэль, Тринидад, Ла-Плата. Удаан урсгалтай жижиг горьхи, элсэн ёроолтой нуур.
Өнгө, төрх: Богинхон өндөр биетэй. Хатуу хайрсаар бүрхэгдсэн. Уруулны дээд талд 2 богин сахалтай. Биений дундуур том хар-ногоон зураастай байдаг. Сэлүүр нь тунгалаг бор өнгөтэй байдаг.
Хэмжээ: алтан соом бол 7см хүртэл томордог.
Тэжээх нөхцөл: Амархан.
Хэр удаан наслах: 5нас.

Аквариум:
Хэмжээ: 100литр, 60см урт.
Хайрга: Том ширхэгтэй элс.
Усны найрлага: pH 6-7,8; dH 4-25', фильтр, 7хоног бүр аквариумын 30% солино.
Температур: 20-24'C
Гэрэлтүүллэг: Бүдэгвтэр.
Ургамал: Амьд, хөвдөг бол маш сайн.
Аквариумд: хад чулуу, нүх, агуу, нуувч хийж өгнө.

Хооллолт: амьд, ургамалын гаралтай. Орой хооллоно.

Зан характер: Бусдад халгүй, сүрэглэдэг 6ш доошгүй байна.
Эдгээр загастай цуг байлгаж болно: гүппи, молли, мечнос, тетра, барбус, данио, дискус, расбор, гурам, жижиг цихлид.
Эдгээр загастай байлгаж болохгүй: Акар, арована, махчин соом гэх мэт.

Үржүүлэлт.
Хүйс ялгах шинж тэмдэг: Эр загас нь эмээсэ жижиг биетэй, эрийн нурууны сэрвээ хурц өнцөгтэй.
Бэлтгэл: өдөр болгон алтан соомыг амьд хоолоор тэжээнэ. Ингэж байж сайн түрс хураана.
Үржүүлгийн аквариум: 20литр, усны түвшин 20-25см, темп. 18-22'C, pH 6-7,2, шинэвтэр ус, хүчтэй агааржуулсан ус, хэдэн том ширхэг ургамал хийж өгөх хэрэгтэй. Гэрэлтүүллэг маш сайн байх ёстой. Ихэвчлэн өглөө шахдаг. Шахсаны дараа аквариумыг харанхуй болгох ёстой.
Хэдэн эр эм: 1:1, 3-5:1 (Олон байх тусам хурдан процесс явагдана)
Хэр их түрс: 300 хүртэл шаргал өнгийн түрс гарна (диаметр нь ~ 1,3мм)
Түрс 3-4 хоног болж байж сэрвэгнэж эхлэнэ.
3-4 хоног болж өнгөрсний дараа сэлж эхлэдэг, агааржуулалт, цэвэршүүлэлт байх ёстой, t 20-26'C, өдөр болгон аквариумын 10% солино, усны түвшин 20см.
Төлний хоол: артём, маш нарийн хэрчсэн трубочник.
Түрсээ шахсаны дараа шахсан эцэг эхийг гаргана.

Өвчин тусах магадлал: Маш сайн дархлаатай, давслаг усанд байж чаддаггүй.

Өнгөний хувьд их олон янз байдаг. Сонирхуулах үүднээс бичлэг, зураг орууллаа.

                                                                    Шахаж буй коридорас.