Амьд ургамал

Аквариумд амьд ургамал ургуулах нь олон төрлийн ач холбогдолтой байдаг. Аквариумыг ургамалаар тохижуулвал байгалийн амьд орчин бүрддэг ба төрөл бүрийн загас тэжээхэд тус болдог усны хэвийн найрлаганд онцгой чухал үүрэгтэй. Энэ усанд дахь хүчил төрөгчийн түвшинг дээшлүүлж фотосинтез явагддаг. Энэ нь усны хорт хий хүчилээс цэвэрлэж хоргүй цэвэр тунгалаг байлгахад тусалдаг. Түүнээс гадна ургамал нь загасны амьдрах нөхцөлийг сайжруулж зарим төрлийн Неон тетра шиг загасанд нуугдах оромж үүр болдог онцгой нөлөөтэй. Учир нь тэд үржлийн улирлынхаа үеэр амархан айж үргэх зэрэг цочмог төлөвтэй болдог тул нуугдаж байх найдвартай орчин хэрэгцээтэй болдог. Аквариумандаа ургамал суулгасан тохиолдолд харагдах байдал нь маш сайхан өнгөлөг болдог бол суулгаагүй нөхцөлд хоосон хөндий харагддаг.

Ургах нөхцлийг нь бүрлүүлэхийн тулд гэрэлтүүлэг тусгаж, хайрга дэвсэн ургамлуудыг суулгаж өгнө. Суулгасны дараагаар удаанд хугацаанд байрнаас нь хөдөлгөлгүйгээр тогтвортой байлгасан нөхцөлд загасны хоол, ялгадас гэх мэт бохирдол хайрганд тунаж ургамлыг ургахад хэрэгцээтэй тэжээллэг бодис болдог. Ингэснээр ургамал үндсэлж салаалах нөхцөл бүрдэх ба таны бяцхан аквариумыг байгалийн амьд орчин болгож тэнцвэртэй экосистем бүрддэг.

Java Fern
Аквариумын хамгийн амархан амьд ургамалын нэг ба ургалтанд нь анхаарал тавих шаардлаггүй. Энэ ургамал цайвар бараан жадны үзүүр шиг хэлбэртэй ногоон навчнуудтай. Навч нь маш урт ургадаг ба 17-20см хүртэл ийн урттай болдог. Үүнээс хамаараад ургамлыг аквариумны гол хэсгээх байрлуулж урдуур нь жижиг ургамлуудыг суулгавал сайхан харагддаг.

Water Sprite
Water sprite нь хурдаг ургадаг зөөлөн эмзэг навчтай ургамал юм. Гүн үндсэлдэг цайвар ногоон өнгөтэй. Ихэнхидээ хөвж ургадаг боловч хайргандаа сайн суулгаж тогтоож болно. Энэ ургамал хүчиллэг усанд сүүдэртэй үед сайн ургадаг. Шигүү суулгаж өгвөл маш сайхан харагддаг.

Cabomba
Cabomba бол үнэхээр гоёмсог эмзэг ургамал бөгөөд усны түрлэг сайтай аквариумд намилзаж маш үзэмжтэй харагддаг.Эхэндээ навчных нь онцлог шинжээс хамаарж Fanwort гэж нэрлэдэг байжээ.Учир нь навч нь сэнс шиг бас гол хэсэгээ халхалсан байдагаас болж тийнхүү нэрлэж байжээ. water sprite тай төстөй хурдан ургадаг.

Өөр нэг зүйл гэвэл ургамал болгон адилгүй шинж чанартай, загас бүрт онцлогт таарсан ургамлыг суулгах хэрэгтэй. Бас мэдрэмтгий усны өөрчлөлтөнд тэсвэргүй эмзэг ургамал байдаг учир усны хатуулаг дулаан гэрэлтүүлэг зэргийг анхаарч байх хэрэгтэй байдаг. Алтан загас. Мөнгөн доллар гэх мэт болхи загаснууд хайрга шороог сэндийлж ургамал гэмтээдэг тул тохирох ургамал хайргийг сонгох хэрэгтэй. Гүппи гэх зэрэг гоёмсог эмзэг сүүлтэй загасан хатуу хурц ургамал тохирдоггүй. Ургамлыг хайрганд суулгахдаа үндэсийг нь нарийн чимхүүрээр болгоомжтойгоор чимхэн суулгаж өгөх хэрэгтэй.