Бетта Спленденс (NEW)

     Бетта нь зүүн өмнөд азийн шалбаагархуу усанд амьдардаг загас юм. Хатуу ширүүн орчин нөхцөлд дасан зохицож үлдсэн ба догшин ууртай, хэрцгий зан авиртай болсон байдаг. Шалтгаан нь хүчтэй нь хүчгүйгээ устгаж байгалийн шалгаралд тэнцэж үлдэх болсонтой холбоотой. Жирийн үедээ ямарч загаснаас илүү тайван дөлгөөн боловч бусад беттануудтайгаа ширүүн тулалддаг. Бетта эр ч бай эм ч бай бетта бүрийг тусд нь байлгах хэрэгтэй. Үржүүлэх нөхцөлд л эр эм загасыг төрц шахаж дуустал нь цуг байлгана. Үржүүлэхэд эхлээд эр бетта хөөсөөр үүр зассан байх хэрэгтэй. усны хэм хамаагүй тасалгааны температурт ч шахна. Гэхдээ 29-30С дулаан усанд байвал арай түргэн хөдлөх нь тодорхой. Эр беттанд харагдахуйц газар эм беттаг шилэнд хийж тавьбал эр нь аквариумандаа уйгагүй үүрээ засч эхлэх болно. Хангалттай бат бөх үүр зассаны дараа эм загасыг савнаас нь гаргаж эртэй нь нийлүүлэх хэрэгтэй. Энэ үед эр нь эмийгээ түрсээ шахахыг хатуухан сануулж үхтэл нь зодно. Эм загас үхтлээ зодуулж байгаад үүрийг нь боломжын гэж үзсэн тохиолдолд эртэйгээ орооцолдоно. Орооцолдож түрсээ шахаж дуусангуут эр нь эмийгээ халгаахгүй. Энэ үед эр нь түрсээ арчилдаг тул эмийг нь салган тусгаарлах хэрэгтэй. Нэг хоноод түрс амилж чөлөөтэй сэлж эхлэнгүүт нь эрийг нь авна. Зулзаганы эр эм нь танигдаад хоорондоо зодолдоод ирэнгүүт нь бүгдийг нь тусгаарлах хэрэгтэй. Зулзаганууд нь 6 сарын дараа гэхэд бие гүйцсэн Бетта болно. Боломжтой бол аквариумд тусгаарлавал сайн. Гэхдээ тэр олон юманд тусд нь аквариум бэлдэнэ гэж юу байхав. Бетта бүрт тусад нь шилэн сав бэлдэх хэрэгтэй. Саванд байлгаж байгаа нөхцөлд Беттаны хөдөлгөөн багасдаг учир өдөрт 2 цаг толь тавьж хөдөлгөөнд оруулж байх хэрэгтэй.